أحفاد الشر

مُسعد لا يفهم سر تلك الطريقة التي يتحدث بها مروان ولا سر تلك الثقة الزائدة لكنه قرر أن يتعامل مع الموقف بخبرة طويلة حتى يسكُب هو ما بداخله, ابتسم مجاملاً وهو يرمقه من فوق عويناته الدقيقة, تنهد مروان قبل أن يستأنف حديثه . – من كام يوم كدة, كنت قاعد بدور وبقلب في الحاجات اللي عندي, لقيت سي دي كدة قديم, قلت أتفرج عليه يمكن يخرجني من حالة الزهق دي, أصل أنت عارف طول عمري غاوي أفلام, المهم بشغل السي دي لقيته متصور بكاميرا ثابتة لمدير شركة كبيرة وهو بيهرج مع السكرتيرة بتاعته بس تهريج قليل الأدب أوي, قولت يمكن أنا مش مركز, معقول , معقول دا مدير أكبر شركة دعايا وإعلان, عملت زووم, وزووم تاني, وتالت, لحد ما اكتشفت أنه فعلاً المدير, بس اللي حصل ده فسر حاجة أنا مكنتش قادر أفهمها, سكرتيرة عبيطة لا بتعرف تشتغل ولا تعمل أي حاجة أيه اللي يخلي المدير يتمسك بيها . ابتسم باستفزاز شديد قبل أن يُضيف .