فيولا منصف لاند

انا شغاله معالجه بالموسيقى ,وبعزف فى الاوبرا , بجيد العزف على كل الآلآت اللى تعرفها واللى متعرفهاش , بس آلتى المفضله " الفيولا ", عندى 32 سنه .. عزباء وأفتخر .. بطلة سباحة .. بتكلم 12 لغة ... وعايشه لوحدى بعد بابا وماما ما اتوفوا .
فى يوم أستقبلت دعوه للعزف فى أكبر مهرجان عالمى للموسيقى فى أستراليا مهرجان " وودفورد" كانت أسعد لحظات حياتى وأنا رايحه المطار علشان أسافر بس للاسف حصلت حاجه عمرى ماكنت أتخيل انها تحصلى !!!
هو كان يوم غريب من أوله ,ركبت الطياره وكان راكب جمبى واحد صعيدى كان رغاى أوى ....والله أنا أجتماعيه وبحب الناس جدا ... بس فيه شخصيات بتبقى غريبه شويه , وده كان غريب شويتين.