ميراث نور

لبست القميص وروحت شوفت نفسى فى المرايه.. قفلت زراير القميص وأنا ببص على شكلى فى المرايه.. زررت آخر زرار فى القميص... وبعدها أتصدمت من اللى شوفته !!!! ماشوفتش حاجه , أختفيت تماما !!!! فكيت زرار القميص ظهرت تانى!!! أندهشت وقفلت آخر زرار فأختفيت تانى!! وقفت فتره استوعب اللى بيحصل .... تقريبا لازم أزرر كل زراير القميص علشان أختفى !!! فكرة الاختفاء موجوده فى العلم مش أسطوره ,وفيه علماء أخترعوا بالفعل عبايات بتخفى اللى تحتها ,مصنوعه من بلورات الكالسيوم منشورية الشكل . ده غير أنه فيه ماده أسمها الماده الفائقه أو الميتا ماتريل دى الماده اللى بيتصنع منها عدسات الكاميرات اللى بتشوف ورا الجدران وتحت الملابس ,الماده دى العلماء حاليا بيطوروها علشان هيصنعوا منها عبايه بتخفى أى حاجه تحتها !!! بصيت على القميص تانى وتأملته.. معقوله يكون القميص مصنوع من الميتا ماتريل !!! مين اللى بعتلى الطرد !!؟ ويعرفنى منين !!؟