كتاب الوسیلہ

كتاب الوسیلہ لابن تیمیہ: شیخ الاسلام امام ابن تیمیہ رحمہ اللہ كا اسم گرامی محتاج تعارف نہیں ۔ساتویں صدی ہجری میں جب كہ ہر طرف شرك و بدعت ،تصوف و فلسفہ اور الحاد ولادینیت كے گھٹا ٹوپ اندھیرے چھائے ہوئے تھے،جناب امام نے توحید رسالت اور آخرت پر ایمان و یقین كی قندیلیں روشن كیں او ر شرك و بدعت كے خلاف عَلَمِ جہاد بلند كیا۔امام صاحب كے زمانہ میں ایك گمراہ كن عقیدہ یہ بھی فروغ پارہا تھا كہ اللہ تعالی تك رسائی حاصل كرنے كے لیے كسی بزرگ كے وسیلہ كی ضرورت ہے ۔جس طرح ایك عام شہری كسی درمیانی واسطہ كے بغیر براہ راست بادشاہ وقت تك نہیں پہنچ سكتا،اسی طرح اللہ عزوجل كا تقرب بھی كسی توسط كے بغیر ممكن نہیں ۔ظاہر ہے كہ یہ نظریہ قرآن وحدیث سے كسی طرح میل نہیں كھاتا لہذا امام صاحب نے اس كی پرزور تردید كی اور شرعی دلائل كی روشنی میں وسیلہ كے جائز و ناجائز پہلوؤں پر سیر حاصل بحث كی ۔موجودہ زمانے میں بھی یہ مسئلہ انتہائی اہمیت كا حامل ہے كہ اہل بدعت وسیلہ كے غلط تصور كو معاشرے میں پھیلانے كے لیے كوشاں ہیں ۔لہذا ہر متبع سنت كو اس كتاب كا مطالعہ كرنا چاہیے تاكہ وہ حقیقت حال سے آگاہ ہو سكے اور شكوك و شبہات سے خود بھی بچ سكے اور دوسروں كو بھی بچا سكے