إسمي نفيسة

عادت للمنزل قبل المغرب بدقائق... كانت كعادتها حزينة... صفعت الباب فأتاها صوت امها الأم : مين نفيسة بلا مبالاه : انا يا ماما...ثم اضافت بهمس : هو في حد غيري بييجي.. رفعت نقابها تستنشق بعض الهواء الام : بترزعي الباب كده ليه يا نفيسه نفيسه بغضب : يوووووه يا ماما اسمي نور مش نفيسه الام تخرج من المطبخ متعجبه من انفعال ابنتها الام : طيب ياختي نور.. نور.. يعني هي نفيسة كانت هتلزق فيكي.. و بعدين ماله نفيسه بقه مش علي اسم بنت النبي نفيسه بغيظ : بنت النبي مين اللي اسمها نفيسه يا ماما.. دي حفيدة النبي اولا.. ثانيا من بين كل الاسامي الحلوة زوجات النبي و احفاده مش لقيتو غير نفيسه الام تضحك : ينيلك يا هبله.. ده اسم ستك ام ابوكي الله يرحمه و انت كنت شبهها.. فسماكي علي اسمها.. دي ستك دي كانت مدوخه المنطقة كلها.